جمعیت اسلامی افغانستان، Jamiat-e-Islami Afghanistan
جمعیت اسلامی

پیام صلاح الدین ربانی رئیس جمعیت اسلامی افغانستان به مناسبت سی‌ودومین سال‌گرد استقلال جمهوری تاجیکستان

سی‌ودومین سال‌گرد استقلال کشور برادر، دوست و هم‌فرهنگ جمهوری تاجیکستان را خدمت جلالت‌مآب امام‌علی‌رحمان، رئیس جمهور، حکومت و مردم این کشور، تبریک و تهنیت عرض می‌کنم.
جمهوری تاجیکستان از گذشته‌ی تاریخی پرافتخاری برخوردار بوده که در دوران جدید نیز با تلاش‌ها و زحمات مدبرانه‌ی جلالت‌مآب امام‌علی‌رحمان در مسیر توسعه و شگوفایی گام‌های مؤثری برداشته و نمونه‌ی خوبی برای کشورهای منطقه به حساب می‌رود.
جمهوری تاجیکستان در شرایط دشوار کنونی کشور ما، با تعهد به حسن هم‌جواری در حمایت از مردم افغانستان و همچنین در زمینه‌ی انتقال سیاسی و تأمین صلح دایمی در افغانستان از هیچ تلاشی دریغ نورزیده است و حافظه‌ی جمعی مردم افغانستان از این اقدام نیکو و پسندیده همواره به قدردانی یاد نموده و هرگز آن را فراموش نخواهد کرد.
برای کشور دوست و برادر، جمهوری تاجیکستان آبادی و توسعه‌ی دوامداار آرزو می‌کنیم.

نظرات بسته شده است.